اخاف من الحب

جمعت حروف هالدنيا ورحت اركض اناديها
بسمعها كلام غير واصارحها انا بحبي
رميت همومي وغمضت وكل همي الاقيها
وقلبي ممتلي فرحه ولهفه وشوق متعبني
وكان الجو بارد حيل وكانت ترجف ايديها
وهمست لها انا موجود لكن مادرت هي بي
لقيت الحلوة سرحانه وشفت الحب بعنيها
وقالت لي بخجل وبخوف ياحسين انسرق قلبي
ضحكت وكنت احسبني انا اللي بس يعنيها
وانا اللي بس بتحبه وانا اللي يهمها قربي
ولكن للاسف خابت حلوم كنت بانيها
على حب توقعته بينور دربها ودربي
اثاري بقلبها غيري تداريه ويداريها
واثاري بقلبها ياناس حب كان متخبي
قالت لي تحبه موت وهو بالحيل يغليها
وقالت لي(اخاف الحب)تكفى خلك بجنبي
سكت وسالت دموعي ومنديلي يخبيها
بطيبه قالت انت شفيك!!قلت البرد لاعب بي
مابيها تعرف بحبي واني ميت فيها
خلاص الله يسعدهـــــا وانا بيعنني ربي

يسلموووووووووووو