قصيدتين للشـــاعر حمد السعيد<<<تفضلو

من طرف دمعة الولاء الثلاثاء يناير 08, 2008 1:25 pm

الســــــــــــــلام عليكم

أسعد الله مســــــــــاكمـ / صبـــــــــــاحكمـ
بكل خـــير
اليوم لي وقفة مع قصيدتين الشـــــاعر الكويتي /حمد السعيد

خلهم ينفعونك

شفت وشلون خلق الله تحب الكلام
قلت لك لا تصدق كلامهم ما اقتنعت
ليش ضيقت صدري بالعتب والملام
وانت يا ما كلموني عنك وما سمعت
جيتني وانت ودك بزعل والخطام
باين اللي يبي السبه ولو ما اندفعت
غيروك العواذل طعتهم يا حرام
عقب ماكنت مقبل بالمحبة رجعت
خلهم ينفعونك لا تزيد اتهام
من عرفتك مضره وانت عمرك نفعت
وين كلمة احبك وين ذاك الغرام
ليش نزلت قدرك عقب ما انت ارتفعت
اه يا قوى قلبك لك عيون تنام
تجرح اللي يحبك بالكلام وقطعت
كان لك قدر عندي وانتهاء وسلام
غلطتي جيت كلي بالمحبه وظعت
.
.

،، مجنـــون زعلاتك ،،

تزعل واراضيك واتلذذ بتزعيــــــــــلك

تبي الصراحه انا مجنون زعـــــــلاتك

لاقمت تبعد وانا اقرب وادنيـــــــــلك

وامسك طرف غترتي وامش دمعـاتك

وتبدي تعاتب وانا كل انتبـــااهي لك

ما اسمعك شتقول انا عيني على شفاتك

وتعيد حجيك وتفرك حيل منديـــــــلك

وتخالطت صادق حروفـــــــك بوناتك

واحاول ارضيك ومدري منين ابدــيلك

واحتار واذكرك في بعــــــض زلاتك

واسمعك ماكتبته بك واغنيـــــــــــلك

طاروقك اللي تحبه واكسر سكاتــك

واستسمحك واعذرك واسمعك واشكيلك

واتلهف لبسمتك ورد ضحكــــــــــاتك

يسرقني الوقت ولا يمديني احجيلك

كلام اللي تحفظته لشوفـــــــــــاتك

وقت الوعد فات وعيوني تراعـيـلك

وقفيت واشغلت القلب بلتفــــــــاتك

عيني على خطوتك والقلب يدعيــلك

الله يحفظك من الحاسد وشمــــاتك

تزعل واراضيك واتلذذ بتزعيــــــلك

تبي الصراحه انا اعشق كل حالاتك

أتمنى أنها تنال إعجاااااااااااابكم ........... لاتحرموني من ردودكم ......