رسالة قطيفي الى خطيبته

رسالة قطيفي الى خطيبته





إلش ا حبيبتي




أخيراً يا خلف جبدي ،،،


ما بغينا نلتقي ونشوف بعض ،،،،




تصدقي عاد ، إني دي مدة المستمدة،،،


أعد الفواني والايام ،،،




نوبه أقول خلاص مافيه أمل نقعد إيا بعض ،،،


ونوبه أصبر روحي ،،،




لكن كلما بققت عوايني مصوب النجوم ،،،




أقعد أبحلق في نجمة سهيل ،،، وأتخيلش مكانها ،،،


وأقول في نفسي ،،، حامض على بوزي أوصل إليها وانا عطالي ،،،




حتى فيه مره من المرات عبرت كم غيمه على سطحنا ،،،


وقلت في قلبي جان زين لو توديني عد بيتكم ،،،




آه مصعب الانتظار ،،، يملّل ويبط القلب ،،،


جبدي معلولة يابعدها ،،، وما يداوي علتها غيرش ياخلف أبويي ،،،




والحين الحمد لله يوم اشتغلت ،،، وخلاص قربت تخلص الشقه اللي في الملحق مال بيتنا ،،،




أمبا أسويها أحلى شقه في الديرة ،،،




باحط لش فيها كرفايه تجنن ،،،




وباحط لينا في مجلس النسوان دواشق ومساند من النوع الليّن،،،




وباشتري اليش قز أبو خمس شولات ،،، حق تقدري تقلي بطاطس وتسوي سمبوسه في وقت واحد ،،،




وباشتري مسجل أبو شريطين ،،،




حق إذا لطشت شريط من عد واحد من الصبيان وعجبش ،،، أسجله الش ،،،






ونسيت أقولش ،،،


ان الصبغ باسوي فيه زخارف غير شكل ،،،




يعني تقدري تقولي مفلات شبكة العنكبوت ،،، وفيه مستطيلات بعد ،،،




حق اذا جو لش خواتش ... ينقهروا من رجالهم ليش ماسووا ليهم مفلنا ،،،




والا عاد الستاير اللي باركبهم ،،، كشخه لحد دينهم ،،،




تعرفي شكل خيشة العيش تشيفه ،،، زيها بس مطرزه بورد أصفر وأخضر،،،




مفلات فوب الحفله اللي باجيبه لش ،،،






وترى عادي قولي اذا تمبي أسوي فيها أي حركات زيادة ،،،،


يمكن أنسى شي لو شي ،،،،






،،،، أيه ويش بعد ،،،،


المهم ما أمبا أطول عليش في رسالتي،،،


بس لاتنسي غناتي تعطيني شوي من مهرش ،،، حق نخلص شقتنا بسرعه ،،،


والا مافيه عرس الا بعد خمس سنين على هالحاله ،،،،




مع السلامة

جبدي معلولة يابعدها ،،، وما يداوي علتها غيرش ياخلف أبويي ،،،

هههههههههههههههههههههههههههههههههه حلوة وربي ضحشتيني من قلب

هههههههههههههههههههه


ولو هذا واجبنا


نضحك بعضنا من اعماق اعماقنا

هههههههههههه

مشكورين حبيباتي على تعقيبكم

مشكورررررررررررررررره

هههههههههههههههههاي

نفسي أسأله سؤال
وش تبي من الحياة؟
يسلمووووووو

مشكورة الف شكر دمعة الولاء
بس وربي مع اني من القطيف بس بعضه مافهمته لاني ماسمعه
شكلها رساله قلاعاوي لانه شكلها رساله يا بحت من القلعه يا جالس 24 ساعه مع جدته
بس فرفشتينا خيتو هههههههههههههههههه يسلمووووووووو

ههههههههههههههههههههههههههها

هههههههههههههههههههههههههههههههههههههههههههههههه يسلمووووووووووووو