الى مولاي ابو الفضل العباس (ع)

من طرف حيارى الأحد يناير 27, 2008 9:20 pm

ابا الفضل يامن اسس الفضل والابى **** ابى الفضل الا ان تكون له ابا

***********

الى مولاي ابو الفضل العباس (ع) 17_abbas(as)

ياصوت الضمير الماوگف بالخوف

يمخوف الخوف وباقي تتكلم

انته اول جرح يوگف بوجه سيوف

يتلامع غدرهه وضاميه عله الدم

يارمز الكرامه وغاية المعروف

دمك صار لوحه وكربلا المرسم

يالحن الشرف وبكل زمن معزوف

تبقى بشفة التاريخ تترنم

من صفت عليك جيوش اُميه صفوف

خليت الصفوف التحچي تتلعثم

واحد چنت واگف بين كثره صفوف

لا گلبك رجف لاصبرك تثلم

كل ضنهم تجيهم طايع ومچتوف

من گالو تسلم ايدك وتسلم

چانت كلمتك ((لا))والنعم محذوف

مو هذا محلهه وهاي ماترهم

صحت انا ابن الهواشم واضح ومعروف

مابينه الذي من الموت يتهزم

اِذا جتنه المنايا نوگف الها وگوف

ونتقدم گبل ماهيَّ تتقدم

وهذا البيرغ الماطاح الا چفوف

عباس طاحت والمحتم

تنوح المشرعه وتبچي عليه جروف

مد چفه وما شرب حرم

___________
afro